Янги йўловчи терминали

Янги йўловчи терминали

Яқинда “Урганч” халқаро аэропортида соатига 300 нафар кишига хизмат кўрсатиш имконига эга бўлган янги йўловчи терминали фойдаланишга топширилди.




Мазкур лойиҳа давлатимиз раҳбарининг “2013 — 2015 йилларда Хоразм вилоятида туризм соҳасини ривожлантириш дастури тўғрисида”ги қарорига мувофиқ амалга оширилди.
Шубҳасиз, бу воҳанинг сайёҳлик салоҳиятини юксалтириш, авиайўловчиларга сервис хизмати кўрсатиш сифатини яхшилаш ҳамда республика ҳаво йўллари инфратузилмасини такомиллаштириш борасида амалга оширилаётган чора-тадбирларнинг навбатдаги самараси бўлди.
Бино дизайнини ишлаб чиқишда замонавий меъморий ютуқлар ҳамда анъаналар уйғунлигига алоҳида эътибор қаратилди. Жумладан, миллий безак ва нақшлардан кенг фойдаланилди.
Янги терминалда жаҳон стандартларига жавоб берадиган барча қулайлик яратилган. Халқаро, маҳаллий авиайўналишлар ҳамда “CIP” заллари йўловчилар хизматида. Уларнинг ҳар бирида алоҳида валюта айирбошлаш шохобчаси, она-бола хонаси, тиббиёт пункти мавжуд. Авиация хавфсизлигини таъминлаш мақсадида замонавий муҳандислик ва технологик ускуналар ҳам ўрнатилган. Шунингдек, “Duty-free” дўкони, кафетерий ишлаб турибди.

Манба: xs.uz

Агарда мақолада хатони учратган бўлсангиз, унда хато матнини белгилаб, CTRL + ENTER тугмасини босинг ва сайт маъмурига хабарнома жўнатинг.


Ижтимоий тармоқда тарқатиш: